📍LLB Bistro (上環)
上環荷李活道188號地下
======================================
係上環發掘到有水準既西餐廳🤩🤩餐廳位置靜中帶旺，離上環地鐵站有大約10分鐘路程。餐廳外有幾張高枱，帶埋寵物🐶黎，坐係出面飲返杯，chill下都幾正😝
而裡面既裝修都俾到人一種好舒服既感覺，雖然餐廳唔算大，但感覺寬敞，唔會好迫。Bar枱用上雲石，烏絲燈泡，加上旁邊既木製書架，呢種英倫風我好鐘意🥰
.
🍟松露芝士薯條 $68 (5/5)
呢個薯條係我食過咁多松露薯條中數一數二好味既💕粗扁嘅薯條，配上松露已經好香，再點埋旁邊既茄汁同埋芝士醬，味道更佳。份量仲好多，啱晒攞嚟送酒😂
.
🥪香辣蒜片炒蝦多士 $128 (4.5/5)
蝦肉大隻彈牙，仲有6隻咁多😍多士外脆內軟，配埋啲生菜洋蔥蒜片，辣辣地好惹味😋
.
🐟香煎鱸魚配紅花意大利飯 $228 (4.5/5)
本身應該係比目魚，可惜賣哂就轉左鱸魚比我地，都好好食！大塊又厚肉，魚皮煎得好香脆👏🏻👏🏻👏🏻配菜都唔少，有椰菜仔、粟米條、南瓜同蘆筍🤓意大利飯亦能煮到外面creamy，入面仲有少少硬芯，確係唔錯😊
.
🍎蘋果金寶配朱古力雪糕 $68 (5/5)
原本係配雲尼拿雪糕，不過冇哂，所以轉左朱古力雪糕😂一上枱就聞到勁香！香噴噴既玉桂味，表面金黃色好靚，底層有蘋果肉、提子肉、杏仁碎，好多料👍🏻👍🏻食落超級熱，加埋一啖雪糕一齊食，一凍一熱，口感好豐富😌
.
整體黎講我覺得呢間餐廳水準幾高，材料新鮮，而且用心製作，服務都好好，希望佢地可以keep到落去🤗
Search